چىرايلىق گۈلسارە

ـ  ھە ، بولىدۇ بولىدۇ . ئەمىسە يوقاپ كەتمە ھە،
ئىليار كاسكى ماقۇل دېگەن مەنىدە بېشىنى لىڭشىتىپ قويغاندىن كېيىن .  ئايىمخاننىڭ ئۆيى تەرەپكە قاراپ ماڭدى .
بۇ چاغدا قاسىم دوختۇرخانىغا يېتىپ كەلگەن بولۇپ ، ئۇ گۈلسارەنى ماشىنىدىن كۆتۈرۈپ ئېلىپ ، دوختۇرخانا ئىچىگە كىرىپ كەتتى .
ـ  دوختۇر ئايالىم ھوشىدىن كەتتى،  ئۇنى تەكشۈرۈپ باقسڭىز،
- ئۇنى جىددىي قۇتقۇزۇش بۈلۈمىگە ئېلىپ كىرىڭ،  دوختۇر قاسىمغا جىددىي قۇتقۇزۇش بۆلۈمىنى كۆرسەتتى .
قاسىم گۈلسارەنى ئۇدۇللا جىددىي قۇتقۇزۇش بۆلۈمىگە ئېلىپ كىرگەندىن كېيىن .  تەكشۈرۈش ئۆيىدە ياتقۇزدى .
دوختۇر خېلى ئۇزۇن بىر قاتار تەكشۈرۈشلەرنى قىلغاندىن كېيىن .  قاسىم بۈرگە جىددىيلىشىپ دوختۇردىن سوراشقا باشلىدى
ـ  دوختۇر ، ئايالىم زادى نېمە بوپتۇ،   ئۇ نېمىشقا ھوشىدىن كېتىپتۇ،
ـ  بىر ئاز ساقلاپ تۇرۇڭ ، ھازىر تەكشۈرۈش نەتىجىسى چىقىۋاتىدۇ .
ـ  ھە ، ماقۇل ، ماقۇل .
ـ  ئايالىڭىز ھوشىغا كەلدى .  قاسىم دوختۇرنىڭ گېپىنى ئاڭلىغاندىن كېيىن گۈلسارەنىڭ يېنىغا يۈگۈرۈپ كىردى،
گۈلسارە بىمار كارۋىتىدا كۆزىنى ئېچىپ ياتاتتى .
ـ  ھە نېم بولسا ھوشىڭىزغا كەلدىڭىز گۈلسارە ،   مېنى كەچۈرۈڭ سىزگە كۆڭۈل بۆلمىدىم .  مەن ئادەم ئەمەس .  قاسىم بۈرگە  ئاۋۋالقىدەكلا  ئۆزىنى ئەيىبلەشكە باشلىدى .
گۈلسارە كۆزنى چىڭڭىدە يۇمۇۋالدى ئۇنىڭ كۆزىدىن نەچچە تامچە ياش سىرغىپ چىقىۋاتاتتى ، ئۇ شۇ تاپتا ، ئىليار كاسكىنى شۇنچىلىك سېغىنغان ئىدى ـ
 كاشكى مەڭگۈ ئويغانمىغان بولسامچۇ !  ھېچنېمىنى ئەسلىيەلمىگەن ھېچنېمىنى ئۇقمىغان پېتى ، مەڭگۈ مۇشۇ پېتى ياتقان بولسامچۇ .  ئۇ  ئۆز ـئۆزىگە شۇنداق دەپ پىچىرلايتتى .
ـ   ئايالىڭىز ھامىلدار بوپتۇ،  تۇيۇقسىز دوختۇرنىڭ  ئۇلارنىڭ يېنىغا كىلىپ ئېيتقان سۆزى گۈلسارە بىلەن قاسىم بۈرگىنى ھەيرانلىقتا قالدۇردى .
ـ  بالىڭىز ، ئالتە ھەپتىلىك بولاي دەپتۇ،    ھازىرقى مەزگىل تولىمۇ مۇھىم .  بۇ مەزگىل كۈتۈنۈش مەزگىلى،   ھامىلىنىڭ ئورنى ھازىر مۇقىم ئەمەس ، شۇڭا  كۆپ ھەرىكەت قىلىشىڭىزغا،   چارچاپ كېتىشىڭىزگە بولمايدۇ،  ياخشى كۈتۈنۈڭ .
دوختۇرنىڭ گەپلىرى گۈلسارەنىڭ قۇلىقىغا  كىرمەيۋاتاتتى .  ئۇ دوختۇرنىڭ بايىقى گەپلەرنى ئۆزىگە ۋە ياكى باشقىلارغا ئېيتىۋاتقانلىقىدىن گۇمان قىلىپ قېلىۋاتاتتى .
ـ دو...   دوختۇر .  كىم ھامىلدار ئىكەن؟   گېپىڭىزنى پەقەتلا چۈشىنەلمىدىم .  قاسىم ھەيرانلىقتا سورىدى ؟
ـ  ئايالىڭىز ھامىلدار ئىكەن .  ھامىلە ئالتە ھەپتىلىك بوپتۇ .
ـ راسما  دوختۇر .  مېنىڭ بالام،  ئايالىمنىڭ قورسىقىدا مېنىڭ بالام بارمىكەن .
ـ  بۇ نېمە دېگىنىڭىز  ئەمدى ئايالىڭىزنىڭ قورسىقىدا سىزنىڭ بالىڭىز بولماي كىمنىڭ بالىسى بولسا بولاتتى .  قانداق دېگەن گەپ بۇ،
ـ  ياق ، ياق ، دوختۇر .  ئايالىم راستىنلا ھامىلدارمىكەن دېمەكچى ئىدىم .
ـ  شۇنداق،   تەكشۈرۈش نەتىجىسى شۇنداق چىقتى ، ئەمىسە قايتىپ ياخشى ئارام ئېلىڭ .
دوختۇر شۇنداق دەپ قويۇپ چىقىپ كەتتى .
ـ  رەھمەت سىزگە گۈلسارە .  مەن دادا بولىدىغان بوپتىمەن .
بۇ گەپلەرنى ئاڭلىغان گۈلسارەنىڭ  كۆز ئالدى قاراڭغۇلىشىپ كەتتى .  ئۇ  ئۆزىنىڭ ھامىلدار ئىكەنلىكىنى .يەنە ئەزەلدىن ياخشى كۆرمەي نەپرەتلىنىدىغان كۆز ئالدىدىكى بۇ كىشىنىڭ  بالىسىنىڭ دادىسى ئىكەنلىكىنى  پەقەتلا قوبۇل قىلالمايۋاتاتتى .
  ئادەم ھاياتتا قانچە قوبۇل قىلىشنى خالىمىغانسېرى شۇ ئىشقا يولۇقىدۇ . ھەم  شۇ ئىش تۇرمۇشىمىزدا يۈز بېرىدۇ .  ئۇ قاسىم بۈرگىدىن قۇتۇلۇشنى قانچە ئارزۇ قىلغانسېرى ئۇنىڭ بىلەن   تېخىمۇ باغلىنىپ قېلىۋاتاتتى .  ئەمدىلىكتە ئۇنىڭ بالىسى گۈلسارەنىڭ قورسىقىدا . ئۇ بۇنىڭدىن كېيىن  ئۇنىڭدىن قانداقمۇ نەپرەتلىنىپ يۈرەلىسۇن،  ئۆز بالىسىنىڭ دادىسىدىن نەپرەتلىنىپ بىر ئۆمۈر ئۇنىڭغا تەتۈر قاراپ يۈرەلىسۇنمۇ.
ـ  سىزگە ۋەدە بېرەي،  گۈلسارە بۇنىڭدىن كېيىن . سىزگە ياخشى قارايمەن .  قوزام ئىككىڭلارنى ھەرگىز جاپا تارتقۇزمايمەن .
ـ  ئۆيگە قايتىپ كېتەيلى .  گۈلسارە شۇنداق دېگەچ ئورنىدىن تۇردى .
ـ  ھە ، بولىدۇ بولىدۇ ، بىز ئۆيگە قايتايلى . ئاۋۋال ئۆيگە قايتىپ ياخشىراق  كۈتۈنۈپ ئارام ئېلىڭ .  قاسىم بۈرگە شۇنداق دەپ گۈلسارەنىڭ قولتۇقىدىن يۈلەپ تۇرغۇزدى .
ئۇلار دوختۇرخانىدىن  چىققاندىن كېيىن قاسىم بۈرگە گۈلسارەنى ماشىنىغا  سېلىپ مەھەللىدىكى ئۆيگە قايتماي شەھەردىكى داچىسىغا ئېلىپ ماڭدى .
ـ  مەھەللىگە قايتمامدۇق .  گۈلسارە ھەيرانلىقتا سورىدى،
ـ  ھە ، ئەمدى مەھەللىگە قايتىشىمىزنىڭ ھاجىتى يوق گۈلسارە .  يېزىدىكى ئۇ ئۆيدە  قىينىلىپ قېلىشىڭىزنى خالىمايمەن .  بۇ ئۆيدە مەن ھالىڭىزدىن ياخشى خەۋەر ئالىمەن ، خاتىرجەم بولۇڭ .
ـ  بىراق ، ئاپام ...
ـ  ھېچقىسى يوق ، بۇ ئىشنى ئاپامغا مەن دەيمەن .  بۇنىڭدىن ئەنسىرىمىسىڭىزمۇ بولىدۇ سىز بۇلاردىن ئەنسىرىمەي ياخشى كۈتۈنۈپ ياخشى ئارام ئېلىڭ،   قوزامنىڭ ھالىدىن ياخشىراق خەۋەر ئالمىساق بولمايدۇ .  قاسىم بۈرگە شۇنداق دېگەچ گۈلسارەنىڭ قورسىقىغا قاراپ قويدى .
  ھەش پەش دېگۈچە ئۇلار  شەھەردىكى داچىسىغا يېتىپ كەلگەن  بولۇپ گۈلسارە ئۈندىمەستىن ماشىنىدىن چۈشتى .
ـ  ھە ، قېنى قېنى ئاۋايلاپ چۈشۈڭ ھە ، يۈرۈڭ ئۆيگە كىرەيلى .  قاسىم بۈرگىنىڭ ھەددىدىن ، زىيادە تەكەللۇپ قىلىپ گۈلسارەنى ئاۋايلىشى گۈلسارەنى سەل بىئارام قىلىۋاتاتتى .
ئۇ قاسىم بۈرگىدىن قانچە بىزار بولۇپ ، يىراق تۇرغۇسى كەلگەنسېرى كاج تەقدىر ئۇلارنىڭ مۇناسىۋىتىنى يېقىنلاشتۇرۇۋاتاتتى .
ـ  سىز  يېتىپ بىردەم ئارام ئالغاچ تۇرۇڭ ، مەن ئاپامغا تېلېفون قىلىۋېتىپ سىزگە  ئازراق يەيدىغان نەرسە سېتىۋېلىپ كىرەي،
قاسىم بۈرگە گۈلسارەنى كارىۋاتتا ياتقۇزۇپ قويغاندىن كېيىن سىرتقا چىقىپ كەتتى .  ئۇ ھويلىغا چىقىپ ئانىسى مەريەمخانغا تېلېفون قىلدى .
ـ  ۋەي ئانا .  ساڭا دەيدىغان خوش خەۋەر بار .
ـ  نېمە خوش خەۋەر .  ئايالىڭ ئۆلۈپ كەتمىگەندۇ .  مەريەمخان قايتۇرۇپلا سورىدى .
ـ  ۋاي ۋۇي ئانا ، سەن نېمانچە شۇم ئېغىز4 دەيمەن،   گۈلسارە ئۆلۈپ كەتسە خۇش خەۋەر دەمدىمەن .  كېلىنىڭنى ئۇنداق يامان كۆرمە ئانا .   ئۇ ھازىر سېنىڭ نەۋرەڭگە ھامىلدار بولدى،  ئۇنىڭغا ياخشىراق كۆيۈنۈپ قويغىن .
ـ  نېمە ئۇ ھامىلدارمىكەن؟   ۋاي، شۇۋا قۇرغۇر  بۇ نېمە كەلگۈلۈك ئەمدى بىزگە .  ئۇ ئۆزىنى سەندىن ئېپ قېچىپ يۈرمەمتى .  ئەسلىدە ئۇ ياق ياق  دەيمەن،  موك موك يەيمەننىڭ  بىرى ئىكەندە .  مېنىڭ  ئارزۇلۇق بىر تال ئوغلۇم   ئەمدى مۇشۇ قەلەندەرنىڭ قىزى بىلەن ئۆتۈپ كېتەرسەنمۇ؟ قاسىم بۈرگىنىڭ  گېپىنى ئاڭلىغان .   مەريەمخان ئاغزى ئاغزىغا تەگمەي زارلىنىشقا باشلىدى .
ـ بۇ نېمە دېگىنىڭ ئانا!  ئوغلۇڭ دادا بولسا  خۇش بولماي  بىر مۇنچە يامان سۆزلەرنى قىلىسەنغۇ .  گۈلسارە ئۇنداق ناچار قىزلاردىن ئەمەس ئانا،  نەچچە ۋاقىتتىن بېرى ئۇ سېنىڭ خىزمىتىڭنى ياخشى قىلدى ئەمەسمۇ ؟  ئۇنى ئۇنداق يامان كۆرىۋەرمىگىن .
ـ  ۋاي ، بولدى بولدى،   خوتۇنۇڭغا يان بېسىۋەرمىگىن .  كېلىن بولغاندىن كېيىن قىلىدۇ ئۇنچىلىك ئىشلارنى . بۇ يىتمەكنىڭ  بىزنىڭ ئاىلىگە كېلىن بولۇپ كىرگىنى ، ئۇنىڭ بەخت تەلىيى .
ـ   ھە ، بولدى بۇ گەپلەرنى قويۇپ تۇرغىنە،  گۈلگىنەنىڭ ھامىلدار بولغىنىدىن  سەنمۇ خەۋەر تاپتىڭ ، ھەراس دادامغا  ئۇنىڭ بوۋا  بولغىنىنى يەتكۈزۈپ قوي .  ئەمدى بىز مەھەللىدىكى ئۆيگە قايتمايمىز .  گۈلسارە شەھەردىكى داچىدا ئارام ئېلىپ ياخشى كۈتۈنمىسە بولمايدۇ ئۇنىڭ ھالىدىن ئۆزۈم خەۋەر ئالىمەن .
ـ  نېمە ؟  ئايالىڭ ھامىلدار بولسا ئۇنىڭ ھالىدىن سەن خەۋەر ئالامسەن .  ساڭا زادى نېمە بولدى ئوغلۇم ؟  نەدىمۇ خوتۇن كىشىنىڭ ھالىدىن ئەر كىشى خەۋەر ئالغان بار .
مەريەمخان چالۋاقاپلا كەتتى .
ـ  ئانا ئۇنىڭ ھالىدىن مەن خەۋەر ئالمىسام ، كىم خەۋەر ئالىدۇ ئۇنىڭ قورسىقىدا مېنىڭ بالام بار تۇرسا نەدىكى گەپنى قىلىدىكەنسەن بولدى تېلېفوننى قويىۋەتتىم .
ـ  ھا ھا ھا ھا .  ئوغلۇڭنىڭ بۇ تەرىپى ھەر ھالدا سېنى دورىماپتۇ .  سەندەك باغرى تاش .  ئۆزىنى ئويلايدىغان ئايالنىڭ  ئۇنىڭدەك بالىسى بولغىنى ھەيران قالارلىق ئىشتە،  گۈلسارە ياتلىق بولۇپ كىرگەندىن بېرى ئىزچىل گۈلسارەنىڭ ئىش  ھەرىكىتىگە دىققەت قىلىپ ، ئۇنىڭ ۋاپادار ، ئىشچان ، ئاقكۆڭۈل ، قىز ئىكەنلىكىنى  تونۇپ يەتكەن قاسىمنىڭ دادىسى ،   ئوغلىنىڭ   گۈلسارەگە ئۆيلەنگەنلىكىدىن تولىمۇ مەمنۇن بولغانىدى،  قاسىمنىڭ دادىسى مەريەمخاننىڭ بايىقى سۆزلىرىنى ئاڭلىغاندىن كېيىن كۈلۈپ كېتىپ  مەريەمخانغا شۇ سۆزلەرنى دېدى .
ـ  ئوھوش،   جىلە بولۇپ قان بېسىمىم  ئۆرلەپ كەتكىلى تۇرغاندا ، تولا چىشىمغا تەگمىسىلە .
ـ  نېمىگە جىلە بولىسەن كېلىنىڭ ھامىلدار بوپتۇ نەۋرە كۆرىدىكەنسەن،  بىر تاللا يالغۇز ئوغلۇم بار دەپ قاقشايتتىڭ،  نەۋرەڭ تۇغۇلسا خوش بولمامسەن .
ـ  گۈلسارە مەن ئارزۇ قىلغان كېلىن ئەمەس .  مەن قاسىمجان ئوغلۇمنى .  ئۆزىگە ماس كېلىدىغان  قىز بىلەن توي قىلىدۇ دەپ ئويلىغان ئىدىم ئويلىمىغان يەردىن ، بۇ شور قورغۇر  بىلەن توي قىلىپ بالىلىق بولىدىغان بولدى،   دۇنيالىقتىكى بىر تاللا ئوغلۇم مۇشۇنداقلا بەخىتسىز بولۇپ قالىدىغان بولدى .  مەريەمخان مىچىلداپ يىغلاشقا باشلىدى .
ـ  خوتۇن كىشىنىڭ  چېچى ئۇزۇن ئەقلى قىسقا دەپ بىكار ئېيتماپتىكەن .  ئوغلۇڭنىڭ  گۈلسارەنى تاللىغىنى ئۇنىڭ بەختى ، ئۇ قىز تولىمۇ ئىشچان ئەقىللىق ، ھەم ئاقكۆڭۈل ، ۋاپادار قىز ئىكەن .  ئۇنىڭدەك ياخشى قىزغا ئۆيلەنگەن ئىكەن ، بۇ ئۇنىڭ  تەلىيى .
قاسىمنىڭ دادىسى مەريەمخانغا بىر مۇنچە سۆزلەرنى قىلغان بولسىمۇ ، مەريەمخان ئىچىدە قايىل بولمىدى . ئۇ يەنىلا ئۆزىنىڭ گىپىنى قىلىپ قاخشىغىنچە قاسىمنىڭ شەھەردىكى ئۆيىگە بېرىپ گۈلسارە بىلەن قاسىمنى قايتۇرۇپ كىلىش قارارىغا كەلدى،
گۈلسارە قاسىم چىقىپ كەتكەندىن كېيىن  چوڭقۇر خىياللارغا غەرق بولدى .  ئۇ  ئاستا  قورسىقىنى سىيلاپ قويغاندىن كېيىن .  قورسىقىدىكى بالىسىنى خىيال قىلىشقا باشلىدى،   ئۇ  ئىليار كاسكىدىن ئايرىلغاندىن بېرى .  ئۆزىنى بۇ دۇنيادا يەككە يىگانە ھىس قىلغان  .  شۇ تاپتا ئۇنىڭ قورسىقىدىكى تۇغۇلمىغان بالىسى ئۇنىڭغا ھەمرا بولۋاتاتتى ئۇنىڭدا تۇيۇقسىز  ياشاشقا ئازراق بولسىمۇ ئۈمىد تۇغۇلدى .  چۈنكى ئانىسى گۈلسارەنى تۇغۇپلا ، بۇ دۇنيادىن ۋاز كېچىپ ئۇنى تاشلاپ كەتكەن .  گۈلسارە ھەرگىزمۇ ئانىسىغا ئوخشاش بالىسىنى تاشلاپ كېتىپ ئۇنىڭغا گۈلسارە كۆرگەن كۈنلەرنى كۆرسىتىشنى  خالىمايدۇ .  شۇڭا ئۇ قورسىقىدىكى  تۇغۇلمىغان بالىسىغا ئۈمىد باغلاپ .  بالىسى ئۈچۈن بولسىمۇ ، ھازىردىن باشلاپ ياخشى ياشاش قارارىغا كەلدى .  شۇ تاپتا ئۇ ھاياتنىڭ مەناسىنى چۈشەنگەندەك بولۇۋاتاتتى .
گەرچە ئۇنىڭ بالىسى  تېخى تۇغۇلمىغان بولسىمۇ ، ئۇ يەنىلا ئانا .  ئانا  ئۇ بالا قورسىقىدا  يېتىلىۋاتقان ۋاقىتتىن تارتىپ بارلىقىنى پەرزەنتىگە بېغىشلىغۇچى .
ـ  ئازراق بىر نەرسە يەۋېلىڭ گۈلسارە ، سىزگە يەيدىغان نەرسە ئېلىپ كەلدىم .  قاسىم تۇيۇقسىز  ئالدىراپ كىرىپ كەلدى ئۇنىڭ سۆزى گۈلسارەنىڭ خىياللىرىنى بۆلىۋەتتى .
گۈلسارە ئورنىدىن تۇرۇپ قاسىم ئېلىپ كەلگەن يېمەكلىكلەردىن يېيىشكە باشلىدى .
ـ  بۇنىڭدىن كېيىن ۋاقتى ۋاقتىدا تاماق يەپ ياخشى ئارام ئېلىڭ،   مەن سىزگە ھەمراھ بولىمەن .  قاسىم  بۈرگە گۈلسارەگە قاراپ شۇنداق دېدى .ئەسكەرتىش: بۇ روماننىڭ مەزمۇنى ئىجادىي بولۇپ، مۇقاۋا رەسىمى AI تېخنىكىسى ئارقىلىق ئىشلەندى.